Кіфійская культура
| Кіфійская культура Неаліт | |
|---|---|
 Месца археалагічных раскопак Габера | |
| Геаграфічны рэгіён | Заходняя Афрыка |
| Лакалізацыя | Нігер |
| Датаванне | 8 тысячагоддзе да н. э. — 6 тысячагоддзе да н. э. |
| Тып гаспадаркі | паляванне, рыбалоўства, збіральніцтва |
Кіфійская культура (фр.: Culture kiffienne) — археалагічная культура эпохі неаліту на паўднёвым захадзе Сахары. Ахоплівала перыяд 8 — 6 тысячагоддзяў да н. э. Атрымала сваю назву па месцу раскопак Адрар-н-Кіфі на поўначы Нігера. Чалавечыя рэшткі прадстаўнікоў культуры былі ўпершыню знойдзены ў 2000 г. каля мястэчка Габера.
Экалагічныя ўмовы
[правіць | правіць зыходнік]Існаванне Кіфійскай культуры супадае з вільготным перыядам у гісторыі Сахары. У папярэдні засушлівы перыяд (каля 16000 - 9700 гадоў таму) у гэтай мясцовасці сфарміраваліся выдмы. Вільготны клімат садзейнічаў таму, што ўпадзіны паміж выдмамі напоўніліся вадой. Так, насельнікі Габера жылі каля возера дыяметрам каля 3 км. Каля яго былі знойдзены рэшткі 54 відаў жывёл, у тым ліку слана, гіпапатама, льва, пітона, чарапах і г. д. Знікненне культуры тлумачацца зменамі клімату, наступленнем новага засушлівага перыяду.
Асаблівасці
[правіць | правіць зыходнік]Носьбіты Кіфійскай культуры адрозніваліся высокім ростам (каля 180 см). Высоўваюцца супрацьлеглыя гіпотэзы аб іх супольным паходжанні з прадстаўнікамі Капсійскай культуры і ад выхадцаў з болей паўднёвых рэгіёнаў. Характэрны выраб доўгіх гарпуноў з вострымі шыпамі і керамікі з хваляпадобным аздабленнем. Асноўны спосаб пахавання памерлых — інгумацыя.
Літаратура
[правіць | правіць зыходнік]- Gearon, E. The Sahara: A Cultural History. — Oxford, New York: Oxford University Press, 2011. — ISBN 978-0-19-986196-5.